Við sérsmíðum borðplötur úr náttúrústein í eldhús, baðherbergi og aðra sérsmíði eftir þörfum og óskum viðskiptavina okkar. Við sjáum um allt ferlið, frá mælingu til uppsetningu. Við erum með yfir 15 ára reynslu af framleiðslu og uppsetningum á náttúrústein og bjóðum upp á faglega og persónulega þjónustu.

Við eigum mikið úrval af kvartsstein, marmara og graníti á lager.

FÁÐU STEININN Í BORÐPLÖTUNA HJÁ OKKUR

Kvarts er náttúrulegur steinn sem er samansettur úr hreinum kísil og súrefni. Kvarts borðplötur eru samansettar úr ca. 95% kvartsi á móti 5% af epoxý plastefni. Kvarts efni er sífellt að verða vinsælli í borðplötur þar sem þær þola mikinn hita og mikið álag.

Marmari er náttúrulegur steinn og finnst í mörgum litaafbrigðum. Hvítur marmari er afleiðing á mjög hreinum (kísilsnauðum) kalksteini. Litaður marmari og æðarnar sem sjást oft í marmara eru afleiðing óhreininda eins og leirs, silts, sands eða járnoxíða sem voru til staðar sem korn eða lög í kalksteininum. Marmari er mjúkur og auðvinnanlegur en afar viðkvæmur.

Granít er náttúrulegur steinn sem er samansettur úr grófkristölluðu og kísilríku djúpbergi. Granít hefur verið vinsælt að nota í borðplötur í eldhús í áraraðir vegna þess hve sterkt efnið er og þolir mikið.